الإعلان وأهميته للنشاط التجارى

السلام عليكم ورحمة الله وبركاته

اهلا وسهلا بحضرتك

هفترض انك عندك نشاط تجارى جديد بدون اى تحديد
وهفترض كمان انك هتبيع حاجة احتمال يكون معلهاش طلب

تعال ندردش مع بعض ونشوف ازاى تدخل السوق ده
اول حاجة انت خلصت كل الاجراءات مثل السجل التجارى والبطاقة الضريبية وبدأت بالفعل فى نشاطك التجارى

طيب ايه اول حاجة انت ممكن تحتاجها ؟
اول حاجة انت هتحتاج اللوجو او الرمز الى هتعبر بيه عن نشاطك للعملاء المحتملين للسلع او الخدمات الى انت هتقدمها
تانى شىء .. انت هتحتاج تعمل حاجة اسمها الدورة المستندية – الفولدر – الليتر هيد – الفاتورة – ايصال استلام
لان دى المطبوعات الى هتبدا بيها نشاطك وهيكون عليها اللوجو والشعار بتاعك وطرق الاتصال سواء كان هاتف او اميل

خلاص دى اول حاجة اساسية

نيجى لتانية حاجة
الاعلان
على حسب ميزانيتك ممكن تتحرك
ممكن تعمل فلايرات وتتوزع فى النطاق الجغرافى القريب منك
الشواراع يعنى والمحلات القريبة منك والعملاء بتوعك الى انت عارف انك هتقدر تجيب منهم شغل
وده نسبة نجاحه عالية جدا لو اتوزع صح او استخدمت اسلوب توزيع النشرات البريدية مثلا او اى طريقة توزيع تمشى معاك

ممكن تعمل بوسترات حائط او نتائج سنوية وتوزعها كهدايا
ممكن تعمل اجندات واقلام ومدليات وتوزعها بردوا مجاناً للعملاء عندك المحتملين بشدة

ممكن تعمل اعلان على اليوتيوب وهوا عبارة عن سلايد شو فيديو لمنتجاتك وده بيجيب بردوا شهرة ودعاية كبيرة لنشاطك التجارى
لان كدا كدا يوتيوب تبع جوجل وجوجل بتارشف المواقع بتاعتها اسرع زى البلوجر ده واليوتيوب وكدا
وجوجل قصة كبيرة اصلا ومش موضوعنا دلوقتى 🙂

متنساش تصمم الموقع بتاعك الى هيكون واجهتك لكل العملاء المحتملين لنشاطك التجارى

نيجى بقا لمرحلة جديدة بعد ما النشاط بدا فى جنى الارباح والعملية مشيت شوية 🙂

اعلانات الفيس بوك حلوة اوى وبتجيب تفاعل وخلى بالك انك لو هتعمل اعلان فيس بوك وهوا اصلا موقع اجتماعى هتلاقى اسئلة حلوة اوى والسؤال المشهور فى الدونيا كلها – انا عاوز صور واسعار – فكر بقا هترد ازاى هوا مش محدد سواله ومستنى – لازم تساله وتخلى الزبون يحدد هوا عاوز ايه بالظبط علشان تعرف ترد عليه انما الزبون عاوز المنيو وهوا يختار فصعب جدا
عندك بردوا المعارض
احجز مساحة فى ارض المعارض على حسب نشاطك والمعرض الخاص بالنشاط ده
حجزت مثلا مساحة 2 متر فى متر
حلو اوى مش لازم اكتر من كدا
هتجيب 2 روب اب + واحد بوب اب حجم صغير و2 كرسى او تلاتة
وبرموشن تيبل او بوديوم صغير ومجموعة برشورات لنشاطك التجارى وهدايا للزوار الى هيمروا عليك فى المعرض

عارف سر نجاحك فى اى معرض ايه ؟
لا مش التصميم 🙂
ولا المساحة 🙂
ولا اى بتنجان 🙂

سر نجاحك انك تجيب ناس حابة الشغل بتاعك بجد
ناس مبتسمة
اوقولها تانى ؟
ناس مبتسمة
ناس مبتسمة

المشكلة الى عند المسوق او ممثل الشركة انه بيقابل الناس الى ميعرفهومش بدون مفتاح ربنا عز وجل خلقه لينا بسهولة تامة يفتح القلوب المغلقة بسهولة ويسر – الابتسامة

عارف ان انت لو بتبيع برخص التراب وحاجتك مطلوبة اوى بس بتقابل الناس بصورة سيئة أو مش بترد على استفسار معين ده هيحصل منه ايه ؟ رد انت
واصلا انت لازم تحسبها لان الموضوع بيكون فيه تكلفة
لو حجزت فى المعرض وجالك 100 عمليك وعملت ديل مع 10 عملاء فقط لتوريد او خلافة
صدقنى هيبقا اهم حاجة عندك المعرض ولا زبون ولا اى حاجة تانية هوا المعرض وشغله وبس
مش معنى كدا انك تركز على وجودك فى معرض معين – لا – الاعلان المستمر عن شغلك حتى فى وقت الرواج الشديد والطلب المستمر ده بيخلى دايما الزبون يرجعلك ويتابع معاك حتى
لو مكالمة ودية – اكسب الناس

– يتبع 🙂 –

موديلات متعددة .. اختر الأفضل والأنسب
انت اختار .. واحنا علينا الباقى وموجود شحن وتوصيل سريع
كلمنا على الواتس واترك رسالتك وسنقوم بالرد عليها فى اسرع وقت https://wa.me/+201272727800